Хөгжмийн утас амраадаггүй ТУУРАЙН ТӨВӨРГӨӨН

Хүн төрөлхтөн хөгжмөөр дамжуулан байгальтай холбогддог тухай домог гэмээр яриа сэтгэл эзэмдэхэд өвсний сэрчигнээ, горхины хоржигноог хөгжим шиг төсөөлдөг над шиг хүн хэчнээн олон гээч. Тиймдээ ч монголчууд бид байгаль эхтэй хүйн холбоотой хэмээн ярьдаг биз. Энэ бүхнийг гэрчлэхээр “Туурайн төвөргөөн” нэртэй олон улсын хөгжмийн наадамд нэгдсэн минь энэ... 

"Дэлхийн цээжнээ орших элгэн нутгийн гийчид"

"Туурайн төвөргөөн" олон улсын шинэ хөгжмийн наадмаар овоглосон аялагчид Хэнтий аймаг, Хэрлэнгийн хөдөө арал, Аварга тосон рашаан гэсэн чиглэлээр явж, тав хоногийн турш хөгжимдөөд ирлээ. ХБНГУ, Бельги, Дольш, Индонез, Швейцарь орноос ирсэн хөгжимчид 39 хэмийн халуунд хөгжим тоглож, шинэ аялгуу "сэдэж" байгаа нь урлаг гэгч хаа нэгтээгээс ундардаг болохыг сануулна. Тиймдээ ч тус наадмын зохион байгуулагчид “Морин туурайгаар дэлхийн талыг бөмбөрдөж байсан монголчууд хөгжмийн эгшигээр байгаль дэлхийг бөмбөрдөх цаг болжээ” хэмээн ярих нь бий.

Орчин цагийн үлгэр

Эртээ урьдын цагт гэж эхэлдэг үлгэр сонсож өссөн бид шинэ үеийн үлгэрийн тухай огт сонсож байгаагүй ээ.

П.Одгэрэл: Энэ тэмцээнийг би уран бүтээл гэж нэрлэмээр байна

“Universe Best songs” нэвтрүүлгийн хөтлөгч П.Одгэрэл өмнө минь сууж байна. Өнөөдөр бусдаас онцгойрч, эрч хүчтэй харагдахыг хүссэн болохоороо улаан өнгийг сонгосон гэнэ. Түүний өмссөн улаан корсет этгээд загварын гоёмсог ээмэгтэй нь хэрхэн хосолж байгааг ажиж суухдаа өчигдөр орой мэдээ уншиж байгаа  костьюмтай, албархуу төрхийг нь бодлоо. Одгэрэл “Би дүр төрхөө өөрчлөх дуртай шигээ дотоод ертөнцөө ч бас өөрчилж сурсан хүн байх аа” гэж ярьж байлаа.

Э.Балжинням: Сүхбаатарын талбайд ч хөлбөмбөгийн дэлгэц байрлуулахыг үгүй гэхгүй

Бэлтгэлийн хувцас өмссөн нуруулаг хүнийг хараад шууд л хөлбөмбөг тайлбарлагч Балжинням мөн болохыг танив. ТВ9 сувгаар шөнөжин хөлбөмбөг “ярьж” суудаг энэ хүн арваадхан хоногийн дараа болох дэлхийн хөлбөмбөгийн аварга шалгаруулах тэмцээнийг С1 телевизээр шууд тайлбарлан, дамжуулах юм. Түүнтэй хөлбөмбөгийн талаар хөөрөлдлөө...

Ц.Сумъяахүү: Японы хөгжил Манга-наас хамаардаг

Японы хөгжил Манга-наас хамаардаг гэсэн яриа сонсоод Монголын манга сонирхогч охид, залуустай уулзсан юм. Тэдний ярианаас манга хүний төлөвшилд нөлөөлдөг тухай олж мэдэв. Ингээд би Монголын анхны манганы ном зурсан 21 настай Ц.Сумъяахүүтэй танилцлаа. Тэрбээр Соёл эрдэм сургуулийн япон хэлний орчуулагчийн ангийн оюутан бөгөөд 17 настайдаа “Тулгуур зүрх” номынхоо зохиолыг бодож олжээ. “Дэлхий даяар манга сонирхдог. Манга зурснаар зорилгодоо тууштай ханддаг болдог” гэж бидний яриа эхэлсэн юм.

Амай: Би нэг нууц хэлье, Монгол орон хамгийн сайхан нь

69 орноор аялахад дөрвөн жил, зургаан сар зарцуулсан тэрбээр өөрийгөө дэлхийг тойрсон гэж ярихыг хүссэнгүй. Харин, “Би бүх газрын тухай бичиж, тэмдэглэхийг хүсээгүй ээ. Миний очиж үзээгүй олон газар үлдсэн. Тэр бүхнийг өөр монгол залуу нээгээсэй гэж хүсэж байна. Би ганцаараа аялаад, бүх улс орныг дуусгачихаж болохгүй ш дээ гэж бодсон” гэж ярьж байлаа. Амай Монголд ирээд, анх удаа сонинд ярилцлага өгч байгаа нь энэ…
 

Амайгийн эх орондоо ирэх болсон зургаан шалтгаан

Дэлхийг тойрох аялалд гарсан Амай эх нутагтаа хөл тавилаа. 2005 оны арваннэгдүгээр сард хилийн дээс алхсан тэрбээр дөрвөн жил зургаан сарын турш 69 орноор аялсны эцэст өчигдөр Монголдоо ирлээ. Амай аян замын тэмдэглэл хөтөлж байсан тул түүнтэй хамт дэлхийг тойрсон уншигчид бий. Тэгвэл Амай хамгийн сүүлд блог дээрээ “Би Монгол руу гарахдаа бүх мөнгөө төгрөгөөр солиулаад, хэтэвчиндээ нэг юань үлдээсэн. Дээр нь “миний аяллын хамгийн сүүлчийн гадаад мөнгө” гэж бичээд, хадгална хэмээн бичжээ. Амайгаас ярилцлага авах гэж хамт яваа найзтай нь утсаар холбогдсон боловч утасны сүлжээ унаад байсан тул бидний яриа тасарлаа. Тэд одоо Сайншандад яваа. Амай одоо эх орныхоо өнцөг булан бүрт аяллаа үргэлжлүүлэхээр зэхээд байна.Тиймдээ л энэ бямба гаригт нийслэлийн төв талбайд айлчлах нь хойшлогдсон. Энэ талаар зохион байгуулагч Б.Тодролоос лавласан юм.

Г.Намсрайноров: Миний зорилго дан өгсүүр замтай

“Холын шувуугаар үгээ дайлаа
Хонгор чамд минь дуулан жиргэж хүргээ юм болвуу” гэсэн танил аялгууг телевизээр олон удаа сонсоод дуучин Г.Намсрайновров бие даасан тоглолтоо хийх нь гэж таамагласан юм. Үнэхээр энэ таамаг маань оновчтой байсан бөгөөд тэрбээр энэ сарын 10-нд Бөхийн өргөөний тайзнаас үзэгчидтэй уулзах гэнэ. Тиймдээ л энэ дууг амьлуулсан уран бүтээлчтэй уулзахаар бөхийн өргөөний зүг алхлаа. Бөхийн өргөөний дэргэдэх шар өнгөтэй гэрт ороход хар парьтотой залуухан эр намайг угтсан нь дуучин Намсрайноров байсан юм. Төв аймгийн Өндөр ширээт сумын уугуул энэ хүн санасныг бодоход залуухан хүн байсан тул ярилцахад ч хялбар байв. Ингэж хэлэх учир нь Намсрайноров намайг  “автомат хариулт”-аар огтхон ч залхаагаагүй билээ. Бидний яриа түүний машинд өрнөсөн юм.

Эмгэнэлийг эерүүлсэн Монгол заншил буюу "Учиртай гурван толгой"

 

Энд жүжигчин Л.Цогзолмаа гуай, Х.Уртнасан гуай, Д.Жаргалсайхан гуай болон хөгжмийн зохиолч Ц.Лувсаншарав гуай,  найруулагч Эхдэнэбулган ахын ярилцлагууд багтсан байгаа. "Учиртай гурван толгой"-н тухай цуврал ярилцлагууд юм.

 

Урьд нь хэзээ ч энд ТӨРӨӨГҮЙ, БАЙГААГҮЙ юм шиг

2010-04-14 17:14

Газар шүргэсэн урт цагаан даашинз тай охин шөнийн хотоор алхаж явааг хараад гайхаж байлаа. Нүд унахгүй байхын аргагүй сайхан д а а ш и н з т а й охи ныг би ингэж анх харсан юм. Түүнийг Мөөнөө гэдэг. “Дэлхийд алдартай Долче Габанна, Диорын загварын ордонд ажиллахаас илүү дуртай хамтлаг, д у у ч д ы н х а а хувцсыг урлах нь сайхан санагддаг” гэж ярихдаа жаахан охин шиг инээмсэглэсэн юм. Хэн ч түүнийг хараад 23 настай гэж хэлэхгүй л болов уу. Учир нь тэр инээмсэглэл шигээ жаахан охины дүртэй билээ. Мөөнөөгийн бодол санаа, уран бүтээлийнх нь хэв маяг бусад дизайнеруудаас нэг л онцгой. Зэрвэсхэн харахад ч нүдэнд өртөх цаанаа л чамин, этгээд загварууд түүнийх. “Өөрийн сонсдог хөгмөө загварууддаа шингээдэг гэхийг” нь сонссоны дараа түүний урласан хувцаснаас ямархан нэг хүчтэй хөгжим мэдрэгдэх шиг болсонсон. Тэр өөрөө ч бүтээлээсээ алгагдах зүйлгүй онцгой нэгэн гэдгийг энд онцолмоор байна. Этгээд хувцаслалт, содон дүр төрх нь түүний эрх чөлөөт амьдралыг улам л чимдэг юм. Мөөнөөг залуу уран бүтээлч гэхээсээ илүүгээр өсөх ирээдүйтэй дизайнер гэж тодорхойлбол онох болов уу…

Мартагдсан “Мadness” Дуу шигээ гоё залуу

Учирсан хосуудын төлөө

Мөнхийн хайрын төлөө

Энэ дуугаа би дуулъя

Дурласан хосуудын төлөө

Үүрдийн хайрын төлөө

Энэ дуугаа би дуулъя… Ийм дахилттай дуу аманд өөрийн эрхгүй аялагдаад байх юм. Нэр нь “Шүтээн”. Хуучны мэт санагдах хэрнээ шинэхэн дуу. “Madness”-ээс төрдөг ихэнх аялгуунуудын адил мөн л яруу сайхан дуу. Тайз руу шуурцгаах өч төчнөөн жижиг хамтлаг, дуучдын дунд “Madness”-ийнх шиг тийм яруу уянгалаг дуунууд хэр олон билээ дээ. Үнэндээ бидний хайртай “Madness” мартагдах шахжээ. “Нэг өдөр”, “Хотын гудамж”, “Дурсамж бүсгүй” гэх мэт сайхан дуунуудыг нь бид мартахгүй байх л даа. Харин “Madness”-ыг мартах нь. Тэд хаана, юу хийж явна вэ? Ерөөсөө л “Madness”-ийн яруу дуучтай уулзъя гэж бодлоо. Гэхдээ тийм ч амархан уулзчихсангүй. Багагүй эрэл хайгуулын эцэст олж авсан гар утас руу нь залгах тоолонд “Таны залгасан дугаар холбогдох боломжгүй байна” гэдэг үг чих ядраана. Бараг хагас сарын дараа тэр утсаа нээж, бид болзлоо. “Доргио” клубт уулзаад, түүний сонголтоор булангийн хар буйдан дээр сууцгаав. Амьд хөгжмийн тоглолттой клуб болохоор Оюунсайхан энд их ирдэг гэсэн. Тэр машин барьж яваа болохоор цэвэр ус захиалав. Уг нь би түүнийг шар айраг захиалж, “100 татах” байх гэж бодсон юм. Бага зэргийн халаалттайгаар илэн далангүй яриа өрнүүлэх төлөвлөгөө маань ингээд нурлаа. Гэхдээ зүгээр. Хамгийн чухал нь тэр одоо миний өөдөөс хараад сууж байна.

Рагу: Монголчууд дууны эффект, цуурайнд дуртай

"Universe best songs 2010" тэмцээний шүүгч Рагутай уулзахаар "Prosound" студид зочиллоо. Ногоон модон хаалга нь их зузаан тул дуу чимээ нэвтрүүлдэггүй гэнэ. Түүнийг "Дэв" киноны дууг бичиж байхад нь очсон минь энэ. Рагу монголоор давгүй ярьчихдаг хэдий ч өөрийгөө буруу илэрхийлэхээс эмээж байгаагаа нуугаагүй юм. Бидний яриа англи, монгол болон дохио зангааны хэлээр ийнхүү үргэлжиллээ. 

“Гэгээн Муза” эзнийхээ гарт хүрмэгцээ гэгээ цацруулан гялалзана

Гэгээн Муза” наадмын ёслолын ажиллагаа эхлэнийн өмнө улаан хивсний ёслол болдог. Энэ үед  уран бүтээлчид үдшийн гоёлоо сонирхуулж, хэний ч дүрд хувиралгүйгээр өөрийгөө “үзүүлдэг” билээ. Тийм ээ, театрын уран бүтээлчид жилдээ ганцхан удаа үзэгчдийн хаалгаар орж байгаа нь энэ. "Театр бол сvм, тайз бол шvтээн” гэсэн үгийг өөрийн эрхгүй дурсаад жилдээ ганц тохиох дэлхийн театрын өдрөөр ариун сүмд зочилсондоо баярлав. Шагнал гардуулах ёслолын ажиллагаа эхлэхээс өмнө уран бүтээлчидтэй цэнхэр өнгийн коктэйл тулгаж, наадмын талаар яриа өрнүүлэхдээ “Гэгээн Муза наадмын уран бүтээлчид болороор гоёно” гэсэн уриа үгийг бодож толгой сэгсэрсэн минь санаандгүй хэрэг биш ээ. Тэнд болор гоёлоос гадна болор “ундаа” байсан юм. Тиймээс л уран бүтээчиддээ “Өнөөдөр” сониноос, ганцхан асуулт “тулгалаа”...

Б.Галаарид: Хүмүүс намайг их эртний хүн гэж боддог юм

"Гэгээн Муза 2010" - ын цуврал ярилцлагаас

2010-04-02 19:49:22



Сэтгүүлч, зохиолч Б.Галааридаар овоглосон “Шар тэнгисийн тарчлаан” жүжгийг үзээд, “аав”-д нь талархаж суув. Тэгмэгцээ ирээдүйг зөгнөж туурвисан энэ бүтээлийг “бичсэн” хүн элсэн цөлд анхаарлын тэмдэг барьчихсан зогсоо дүр нь сэтгэлд буув. Олон жил нэртэй нь “танил” байсан болоод ч тэр үү, зүгээр л уулзмаар санагдав. Ингэж би хуучны танилтайгаа уулзах гэж байгаа юм шиг “Зууны Мэдээ” сонины зүг яаран алхсан юм. Тэрбээр энэ сонины ерөнхий эрхлэгчийн албыг хашдаг юм.

Т.Төгсөө: Монголчууд мюзикл хийсэн гэж ярих болоогүй

1980-аад онд “Хошин урлагийн театрын бүжиг дэглээч” гэж тодотгосон пропусктай нэг хүн байсан нь Т.Төгсөө. Тэрбээр “Парисын дарь эхийн сүм”, “Шар тэнгисийн тарчлаан”  жүжгийн бүжгийг дэглэсэн бөгөөд энэ жүжгээрээ “Гэгээн Муза” наадмын бүжиг дэглээчийн төрөлд нэр дэвшээд байгаа юм. 

Театр судлаач Батсайхан: Театр гэдэг чинь нийлмэл урлаг

Францын Сурбоны их сургуульд “Театр судлаач” мэргэжлээр суралцаж ирээд, эх орондоо ажиллаж байгаа энэ хүнийг Батсайхан гэдэг. Тэрбээр 2006 оноос хойш “Гэгээн Муза”наадмын шүүгчээр ажиллаж байгаа. Түүнтэй Монголын театр урлагийн талаар ярилцлаа.
 

Ц.Төмөрбаатар: Бид жүжгийнхээ орчинд үзэгчдийг дагуулж очдог

Хятадын зохиолч Цо Юугийн зохиолоор бүтээсэн энэ жүжгийг “Х Түц” хамтлаг тайзнаа амилуулахдаа, “Манай жүжигт туслах дүр байхгүй, бүгд гол дүр” хэмээн ярьж байсан юм. Үнэхээр л энэ жүжгийн дүр бүхэн “тод” байлаа. Эднээс Жоу Фу Яны дүрийг бүтээсэн Ц.Төмөрбаатар гуайг онцолж цөөн хором ярилцсанаа хүргэе.

“Хунт нуур”-ын тусгал дахь "Хүн-Хунгууд"

Театр шинэ хунтай боллоо. Нэр нь Саруул. Театрынхан түүнийг Оюун агснаас хойших хамгийн уран гартай хун гэлцэнэ. Бас хар хун, цагаан хунд зэрэг тоглож байгаа дөрөв дэх балетчин. Энэ боломж хүссэн балетчин бүрт олддоггүй билээ. Саруулын партнер бол Од. Тэд тайзан дээр ч, амьдрал дээр ч хосууд... Бүжгийн дөртэй болсон эрэгтэй балетчидыг гадаадын театрууд “аваад явчихдаг”. Харин Од монголдоо үлдсэн цөөхөн эрэгтэй балетчидийн нэг. Тиймдээ ч дуурийн театрын сүүлийн үеийн ихэнх балетад гоцлож байгаа. Товчхондоо, Од, Саруул хоёр бол Монголын балетын урлагийн хамгийн шинэ одод. Монголын бүжгэн жүжгийн ханхүү, гүнж хоёртой ярилцлага хийхээр болзсон минь санаандгүй хэрэг биш. Тэд одоо дөнгөж 20, 21 настай хэдий ч дэлхийн бүжгэн жүжгийн гурван ноён оргилын хоёрт нь гоцлоод байна. Зураг авалтын үед бид анх уулзсан юм. Нуурын мандал дээгүүр хөвөх мэт хөнгөн алхаа нь тэднийг балетчин гэдгийг нотлоод өгнө. Саруул дөнгөж төрсөн нялх хүүхдийнхээс ч тунгалаг харцтай. Бүр гайхмаар тунгалаг. Харин Од бол супер залуу. Эр хүний төгс гоо үзэсгэлэнгийн илэрхийлэл болсон Микеланжелогийн алдарт баримал “Давид” амилаад ирсэн мэт л сэтгэгдэл төрүүлнэ. Тэднийг хармагцаа “Энэ дэлхий дээр чинь хүн-хунгууд амьдардаг юм байна ш дээ” гэж уулга алдав. Тийм ээ, Одын цас шиг цагаан инээмсэглэл, Саруулын зөөлөн “өнгө”-тэй нүд яг л сонгодог урлагт зориулагдсан юм шиг санагдана. Магадгүй сонгодог урлаг тэднийг ийм болгож “өсгөө” биз...

Эсмеральдагийн зүрх монголоор цохилохыг анирдлаа

“Парисын дарь эхийн сүм”
“Шилдэг тайзны зураач” номинацд нэр дэвшсэн: Т.Ганхуяг
“Шилдэг эмэгтэй гол дүр” номинацд нэр дэвшсэн: У.Уранчимэг, Г.Отгонцэцэг
“Шилдэг эрэгтэй гол дүр” номинацд нэр дэвшсэн: Г.Эрхэмбаяр, Г.Амгаланбаатар, С.Болд-Эрдэнэ
 “Парисын дарь эхийн сүм” жүжгийн уран бүтээлчидтэй ярилцах гэж олон хоног Драмын театрыг зүглэхдээ жүжгийн бэлтгэл, зураг авалт, бүжиг дэглэлт, оройн тоглолт зэрэг ар араасаа цуварсан их ажлын дундуур бидний яриа ийнхүү өрнөсөн юм.

 

Буржгар үс, ягаан цув. Бодлогошронгуй хэрнээ гэнэн харц. Хэзээ ч юм төсөөлөлд минь байсан тэр л Эсмеральдаг У.Уранцэцэг бүтээжээ. Нүдээрээ "Яагаад" гэж асуух шиг цоо ширтэнэ. Харцаараа шатаана... Харин Г.Отгонцэцэг миний огт мэдэхгүй Эсмеральда байлаа. Хүүхдэрхүү инээд,  урин дуудах шиг харц нь намайг тайзны зүг хөтөллөө. Гоо үзэсгэлэнгийн билэгдэл болсон Эсмеральда магад ийм л охин байсан болов уу гэж шүүрс алдмаар гээч... Ингэж би тэс өөр араншинтай хэдий ч Эсмеральдатай тун адилхан хоёр бүсгүйтэй танилцлаа.

Музагийн “хүүхдүүд” шилдгээ тодрууллаа

“Гэгээн Муза” наадмын ёслолын ажиллагаа эхлэнийн өмнө улаан хивсний ёслол болдог. Энэ үед  уран бүтээлчид үдшийн гоёлоо сонирхуулж, хэний ч дүрд хувиралгүйгээр өөрийгөө “үзүүлдэг” билээ. Тийм ээ, театрын уран бүтээлчид жилдээ ганцхан удаа үзэгчдийн хаалгаар орж байгаа нь энэ. "Театр бол сvм, тайз бол шүтээн” гэсэн үгийг өөрийн эрхгүй дурсаад жилдээ ганц тохиох дэлхийн театрын өдрөөр ариун сүмд зочилсондоо баярлав. Шагнал гардуулах ёслолын ажиллагаа эхлэхээс өмнө уран бүтээлчидтэй цэнхэр өнгийн коктэйл тулгаж, наадмын талаар яриа өрнүүлэхдээ “Гэгээн Муза наадмын уран бүтээлчид болороор гоёно” гэсэн уриа үгийг бодож толгой сэгсэрсэн минь санаандгүй хэрэг биш ээ. Тэнд болор гоёлоос гадна болор “ундаа” байсан юм. Тиймээс л уран бүтээчиддээ “Өнөөдөр” сониноос, ганцхан асуулт “тулгалаа”...

Айсуй цахилах “АЯНГЫН БОРОО”

“Х Түц” хамтлагийн бүтээсэн энэхүү эмгэнэлт уян­гын жүжгийн найруулагч Н.Найдан­дорж болон жүжигчин Одон­чимэг Пан Игийн дүрээр, Ц.Төмөрбаатар Жоу Фу Яны дүрээр, Б.Нарансолонго Си Фан Игийн дүрээр, Т.Бархүү  Жоу Пиний,  Л.Баттулга  Лу Гуйн дүрээр, С.Сарантуяа Ши Пиний дүрээр “Гэгээн Муза” наадамд нэр дэвшжээ. Нэг жүжгээс ийм олон уран бүтээлч нэр дэвшиж байгаа нь энэ уран бүтээлийн чанар чансааг илтгэх үзүүлэлт билээ. Хэрэв та энэ жүжгийг үзэж амжаагүй бол энэ сарын 2-нд драмын театрыг зориорой. “Гэгээн Муза” наадамд зориулан дахин нэг удаа тоглох гэж байгаа юм билээ.

Гэгээн Муза 2009 наадмын зохион байгуулагчид

Д.Цэрэнсамбуу: Театрт үе үеийн төлөөлөл байх ёстой

 “Өчигдөр, өнөөдөр, маргааш гэсэн гурван цагын хэлхээсийг “атгаж” суудаг ажилтай” гэж ярих энэ хүн бол Драмын Эрдмийн театрын захирал Д.Цэрэнсамбуу. Түүнд маш олон түлхүүр бий. Янз бүрийн цоож онгойлгох хэрэгтэй байдаг тул сүүлдээ “түлхүүр тааруулагч”  болсон гэж ярина лээ. Драмын театрын уран бүтээлчид бүгд өөр өөрийн гэсэн цоожтой гэсэн. Тэрбээр энэ тухайгаа ярихдаа “Олон янзын араншинтай хүмүүсийг түлхүүрдэж чадвал бид бие биенээ илүү ойлгож, хэн хэндээ чин сэтгэлээсээ хандана шүү дээ” гэсэн юм. Д.Цэрэнсамбуу гуай “Гэгээн Муза” наадмыг санаачлан, зохион байгуулагчдын нэг учир тус наадмын талаар яриагаа эхлүүллээ.

“Алиса гайхамшгийн оронд”

“Алиса гайхамшгийн оронд” зохиолоор бүтээсэн олон кино байдаг. Хамгийн анхны кино нь 1903 онд Сесил Хэпуард, Перси Стоу нарын бүтээсэн 10 минут үргэлжилдэг богино хэмжээний дүрслэл билээ. Тэгвэл хамгийн сүүлд “Дисней” студийн найруулагч Тим Бартон шинэчлэн бүтээж, энэ сарын 7-нд үзэгчдийн хүртээл болгосон. Үзэгчдийг гурван жил хүлээлгэсэн энэ кино нээлтээ хийснээсээ хойш ашиг орлогоороо Boxoffice-ийг тэргүүлэх нь гарцаагүй байлаа. Гэхдээ араас нь “жагссан” кинонууд 50 сая доллараар бага үзүүлэлттэй байгаа нь кино ертөнцөд шуугиан дэгдээгээд байгаа юм.

“Boxoffice”-т багтсан бусад есөн киноны ашиг орлогыг нийлүүлээд ч 62 сая долларын үнэд хүрэхгүй байгааг дорх жагсаалтаас харж болно. Сонирхуулахад тус киноны хөзрийн хатны дүрийг найруулагчийн эхнэр Хелена Бонхам бүтээжээ. Харин Жони Деппийн хувьд Тим Бартонтой хамтран бүтээсэн долоо дахь кино болжээ. “Алиса гайхамшгийн оронд” зохиолыг бичсэн Льюис Керолл зөвхөн математиктай холбоотой бүтээл туурвидаг байсан гэдэг. Гэхдээ Английн хатан хаан түүнийг дуудаж, бүх бүтээлээ авчрахыг шаардах хүртэл шүү дээ. Ингэж тэр математикаас хальж, уран зохиолын ганцхан бүтээл туурвисан нь “Алиса гайхамшгийн оронд” хэмээх гайхалтай бүтээл билээ. Тэрбээр яруу найргийн олон түүвэр хэвлүүлсэн боловч хүн төрөлхтний оюун санаанд хамгийн тод үлдсэн нь Алисагийн аялал юм.

Льюис Керолл гайхамшигт зохиолынхоо санааг хүүхдүүддээ зориулан зохиодог үлгэрээсээ авсан гэдэг. Өрнийн утга зохиол судлалд 100 гаруй жилийн турш энэхүү зохиолын талаар судалж, олон төрлийн онолын санаа гарган дэвшүүлсэн бөгөөд Квантын физик онолыг судалж байгаа хүмүүсийн заавал унших номын жагсаалтад “Алиса гайхамшгийн оронд” ном байдаг юм. Уг номыг 40 жилийн өмнө Д.Алтанхуяг монгол хэлнээ хөрвүүлжээ.

Г.Золбоот: Эр хүнийг цаг, бөгж хоёр нь бүрэн дүүрэн харагдуулдаг

  

-Манай “Өнгөт инээд” хамтлагийн хамгийн сүүлийн үеийн уран бүтээл энэ нэр хүндтэй наадамд өрсөлдөж, би өөрөө нэр дэвшсэндээ их баяртай байна. Мөн хамтран ажилласан уран бүтээлчид болон нэр дэвшигчиддээ амжилт хүсье.

"Солиотой жүжиг"-ийн уран бүтээлчид

“Солиотой жүжиг”-ийн дөрвөн уран бүтээлч “Гэгээн Муза” наадамд нэр дэвшжээ.
Тэгвэл эдгээр уран бүтээлчдийн хоёртой ярилцсан юм.

Д.Энхдаваа: Гарын үзүүрээр урлах гэж олон жил сурдаг юм

"Гэгээн Муза” наадмын цомыг долоо дахь жилдээ урлаж байгаа Д.Энхдаваатай уулзахаар Дүрслэх урлагийн их сургуулийг зорьлоо. Тэрбээр энэ сургуульд 30 орчим жил багшилж байгаа. Төрийн их тамгыг сийлж, 1500 доллараар мөнгөн аяга худалддаг ч гэсэн багшийн ажлаа орхиж байсан удаагүй. Дарханы урлан ямар үнэртэй байдаг талаарх төсөөлөл маань алх дөшний чимээнд дарагдан замхарлаа. Энхдаваа гуай томоо төмөр сейфнээсээ олон зүйлсийн цуглуулгаа бүхий хайрцаг гарган үзүүлж суух зуур бид ярилцсан юм.

“Гэгээн Муза” наадмын жил жилийн өнгө

“Гэгээн Муза” наадам энэ жил найм дахь удаагаа зохиогдож байгаа. Жил бүр театрын урлагийн “баатрууд”-ыг тодруулдаг энэ наадмын шилдгийн шилдэг уран бүтээлд Гранпри цом олгодог уламжлалтай. Тэгвэл 2003 оноос эхтэй уг наадмын гранпри шагналыг ямар бүтээлүүд хүртэж байсныг сонирхуулья.

Найруулагч Б.Баатар: Мөнгө олохын тулд үзэгчдийг татах хэрэгтэй ш дээ

 “Эхнэрээ зээлээч” жүжгээрээ “Гэгээн Муза” наадамд нэр дэвшиж байгаа найруулагч Баатартай уулзлаа. Түүний бие тааруу байсан тул гэрт нь очиж ярилцахаар болов. Халуурч байсан хэдий ч орноосоо өндийгөөд нарийхан урт тамхи гарган, асаалаа. Эхнэрийнх нь хийж өгсөн хар кофег оочингоо бид ийнхүү ярилцав.
 

Өнгөрсөн, одоо, ирээдүй гэсэн гурван цагийн хэлхээс - “Шар тэнгисийн тарчлаан”

Найруулагч Б.Мөнхдоржийг би “Үлэмжинй чанар”, “Харц хатан” жүжгээр нь эчнээ таних юм. Тэрбээр хамгийн сүүлд хүн төрөлхтөнд “заналхийлж” буй цөлжилтийн тухай өгүүлэх “Шар тэнгисийн тарчлаан” дуулалт жүжгийг найруулсан билээ. Энэ бүтээл түүнийг “Гэгээн Муза” наадамд нэр дэвшүүлсэн. Энэ жүжигт элсийг шар тэнгис гэж нэрлээд, хэрхэн тарчилж байгаа тухай өгүүлдэг. Дэндүү хийсвэр санагдаж байгаа биз. Гэхдээ л  энэ хийсвэр бодлыг найруулагч Б.Мөнхдорж тайзнаа амилуулсан юм даа.

Н.Наранбаатар: Одоо надад дэлхийн сонгодог руу “дайрах” л үлдсэн

Залуу найруулагч Н.Наранбаатартай ярилцах цаг болзоод, хүлээх зуураа, “Парисын дарь эхийн сүм” жүжгийг хэрхэн найруулсан талаар нь театрын жүжигчдээс асууж суулаа.  Түүнийг жүжгийн сургуулилтын үеэр ааш муутай байхыг нь хэд хэд харсан болохоор эмээх сэтгэл төрсөн юм. Түүнтэй “Гэгээн Муза” наадамд нэр дэвшсэн бүтээлийнх нь талаар ярилцлаа.

Амгаланбаатар: Хоёр өөр цаг үеийн холбоос нь тайз юм уу даа

Бүсгүйчүүдийн хайр сэтгэлээр зугаа хийж, торгон алчуур бэлэглэдэг цэргийн жанжинг Феб гэдэг. Ёсорхуу, эрхэмсэг төрх нь хэний ч зүрхийг догдлуулах авч үнэндээ хэдхэн зоосны үнэтэйг мэдэх хүн үзэгчдээс өөр үгүй билээ. Түүний дүрийг бүтээсэн цагаан фрактай залуу “Гэгээн Муза” наадамд нэр дэвшсэн нь Г.Амгаланбаатар байлаа.

ям: Урьд зохиосон хөгжмийг энэ цагт тохируулан найруулсан хүнийг л хөгжмийн зохиолч гэдэг

Цал буурал үстэй хэдий ч нүдэндээ галтай энэ хүн 10 орчим дуулалт жүжгийн хөгжмийн зохиол бичжээ. Ярианых нь хэмнэл огцом өндөрсөж, заримдаа сонсогдохооргүй аяархан болно. Түүний сэтгэл хэмээх хөгжмийн өнгө данга гэмээр энэ ярианд би дасаж эхэллээ. Царайных нь хувирлыг ажвал ямархан нэг чимээ хайгаад байх шиг ээ. Нүдээ аньж, нам гүмийг үүсгэнэ. Тэгснээ яг л мөрөөдлөө ярьж буй жаал шиг гараараа агаарт дүрсэлж эхэлнэ. Тэр дүрслэл нотноос огт өөр байсан тул би төсөөлөл нь зөвхөн өөрт нь сонсогддог гэж бодсон юм. Тэрбээр энэ жилийн “Гэгээн Муза” наадамд “Бодончир Сэцэн” жүжгээрээ нэр дэвшиж байгаа юм. “Юм яриад эхлэхээрээ дуусдаггүй” гэж эхлэсэн ярилцлагаасаа “Сонсогчид мэдлэг хэрэгтэй” гэсэн үгийг онцолмоор байна.

Намсрайн Сувд: Жүжигчин гэдэг зааж болдоггүй ч сурч болдог мэргэжил

Мандухай хатны төрхийг Ардын жүжигчин Сувд гуайн дүрээр төсөөлдөг олон хүний нэг нь би. Тиймдээ ч Сувд гуайд тайзнаас илүү дэлгэц “зохидог” юм шиг санагддаг юм. Тэрбээр театр урлагийн шилдгийг шалгаруулах “Гэгээн Муза” наадмын шүүгчийн бүрэлдэхүүнд багтаж байгаа бөгөөд өөрөө хоёр ч “Муза”-гийн эзэн. Түүнтэй энэ жилийн “Гэгээн Муза” наадмын тухай ярилцахаар гэрт нь очсон юм. Энэ тухай уншигчиддаа хүргэхээр угаалгын машины хангинах дуутай "булаацалдан" Сувд гуайн яриаг цааснаа буулгаж сууна.

Д. Цоодол: Сэтгэл зүрхийг орчуулж болдоггүй

Цаг хугацааны бороонд норсон нүдэндээ томоо нүдний шил зүүсэн Дөнгөтийн Цоодол гуай Оросын их зохиолч Расул Гамзатовын тухай ярихдаа үл ялиг онийж, үгсийн ундаргаасаа магтаалыг үг шүүрдэн хэлж сууна. Тэрбээр Оросын хоёр ч зохиолчын номыг орчуулан, хэвлүүлсэн тухайгаа дуулгахаар ирсэн нь энэ. Саяхан “амаржсан” найрагчтай шинэхэн бүтээлийнх нь талаар ярилцлаа.

С.Сарантуяа: Урлагийн охин тэнгэрийг залах мөч айсуй

Олон Улсын театрын өдөр буюу гуравдугаар сарын 28-нд театрын шилдэг жүжигчдийг тодруулдаг “Гэгээн Муза” наадам долоо дахь жилдээ зохиогдох гэж байна. Энэ наадмын сурвалжлага, мэдээллийг“Өнөөдөр” сонин цаг тухайд нь уншигчдадаа хүргэж, уран бүтээлчидтэй нь “уулзуулах” үүргийг авсан билээ. “Гэгээн Муза” наадмыг зохион байгуулах ажилд оролцож байгаа Драмын мэргэжлийн төвийн тэргүүн, жүжигчин С.Сарантуяатай уулзлаа.

Театр урлагийн хөгжил дэвшилрүү ямар замаар, ямар хурдтай явж байгаагаа театрын дарга нар ярилаа

Энэ жилийн “Гэгээн Муза” наадамд хөдөө орон нутгийн театрын уран бүтээлчид нэр дэвшжээ. Тэгвэл эдгээр театрын дарга нартай уулзаж, театрын тухай яриа өрнүүллээ. Театр урлагийн хөгжил дэвшилрүү ямар замаар, ямар хурдтай явж байгаа талаараа тэд өөрсдөө өгүүлэх болно.

"Парисын дарь эхийн сүм"-ийн бөгтөр

Виктор Хюгогийн “Парисын дарь эхийн сүм” зохиолыг монголын тайзнаа анх удаа сонгодог жүжиг болгон амилуулсан уран бүтээлчдээс 9 хүн “Гэгээн Муза” наадамд нэр дэвшсэн. Тэдэнтэй уулзаж, дэлхийд алдартай дүрийг хэрхэн бүтээсэн талаар нь ярилцлаа. Хамгийн түрүүнд Квазимодогийн дүрээр нэр дэвшиж байгаа Г.Эрхэмбаяр, С.Болд-Эрдэнэ нарын яриаг сонирхоно уу.

Үлгэрийн мэт өнгөлөг ертөнцийн эзэн Үл үзэгдэгч “ноён Даярга”

Өнгөлөг зураг харахаар амсаж үзмээр санагддаг тухай ярьж байсан Ч........-ыг ноён Даярга гэдэг нэрээр нь мэдэх хүн олон. Учир нь түүнтэй хамтран ажилладаг хүмүүсийн 80 орчим хувь нь биечлэн уулзаж байгаагүй болохоороо түүнийг илтгэх цэнхэр хүүгийн зургаар төсөөлдөг. Ямар ч дипломгүй “Цэнхэр хүү”-гийн талаар ярихдаа монголын график дизайныг түүнгүйгээр төсөөлөхөд бэрх гэдгийг онцолмоор санагдлаа.

 

  
Сурталчилгааны хуудас, үзвэрийн тасалбар, номын хавтасны зургийг зурж суудаг залуугийн талаар ярихдаа сайн аав гэдгийг нь дурдах хэрэгтэй. Тэр өөрийгөө гэртээ ажилладаг гэж ярих  боловч үнэндээ гэрээ урлан болгочихсон гэмээр санагдсан шүү. Цаас харандаа, зурагт хуудас “овоорсон” ширээнээс нь л түүний уран бүтээл төрдөг. Тэрбээр хүүхдүүдэд зориулсан зурагт хуудас, зөвлөгөө, заавар зэргийг  чадварлаг зурдаг хэдий ч сурах бичгийн  зураг зурах хамгийн хэцүү гэж ярьдаг боловч 26 сурах бичгийн зураач дизайнераар ажилсан юм шүү. Үүнээс гадна 260 орчим номын хавтас урласан ...... тэдгээр номноосоо нэгийг нь ч уншаагүй тухайгаа ярьж байлаа. Гэхдээ үүнийгээ зөвтгөхдөө, “Ер нь комик чинь хүнийг залхаадаггүй, уншиж ойлгоход хялбар эд шүү дээ. Хэрэв би ном уншаад байвал комиксоо нуршуу хийх байх гэж боддог юм” гэж байсан шүү. Тэрбээр Монголын дизайн урлаг болон график зургийн хөгжилд даацтай хувь нэмэр оруулж байгаа залуу уран бүтээлч билээ. ......ын ярианаас залуу хүн амжилтад ойрхон байдаг тухай сонсоод, түүнийг хэрхэн график дизайны ажилтай холбогдсон талаар сонирхлоо.

Б.Баярсайхан: Морин хуурчид хөгжим урлаачийн бүтээлийг төвөггүйхэн танинаitle

“Морин хуур урлаач ах дүү гурав хувийн студитэй болжээ” гэсэн мэдээ сонсоод 100 айл орчмын замаар хурдлан алхав. Хайж байсан газар маань үйлдвэрлэл урлалын сургуулийн зүүн талд байрлах бөгөөд“Пегасус” гэсэн хаягтай байв. Үлгэрт гардаг далавчтай морины тухай бодмогцоо морин хуурын аялгууг домогтой холбож бодохыг хичээлээ. Хаалгаар ормогц Б.Баярсайхан хэмээх залуу танилцсан юм. Тэрбээр морин хуурч Бат-Эрдэнийн санаачлан байгууулсан “Дэлхийн морин хуурын холбоо”-нд хөгжмийн зэмсэг урлаачдыг төлөөлөн ажилладаг юм билээ. Харин одоо  ах  Б.Шинэбаяр, дүү  Б.Баярсүрэн нартайгаа хамтран “Пегасус”  студийг байгуулсан гэж байлаа. Ах дүү гурвыг бүтээлүүд Америкт байдаг “Дэлхийн хөгжмийн зэмсгийн музей” буюу “MIM” музейд хадгалагддаг гэсэн шүү.

Б.Номинсувд: Харилцааны соёл бол инээмсэглэх, тал засах, мэхийх, бөхийх аль нь ч биш

Өнгөрсөн оны сүүлчээр Малайзын Куала лампур хотод зохиогдсон “Miss Tourism International” тэмцээнээс “Авъяас мисс” шагнал хүрсэн Б.Номинсувдтай уулзаж ярилцлаа. Тэрбээр тун удахгүй олон улсын миссүүд, өөрийн орноо сурталчлах долоо хоногийн өдөрлөгт орлцохоор Хятад улсыг зорих юм.

 

  

ЭМШУИС-ын гуравдугаар курсийн оюутан. Анагаахын сургууль хүний амь нас хариуцдаг мэргэжил болохоор би аль болох сайн суралцахыг хичээдэг. Бүтэн сарын хичээлээс завсардчихвал дараа нь нөхөж авахад хүнд. Би багаасаа л эмч болно гэж боддог байсан учраас энэ миний мөрөөдлийн мэргэжил юм даа.

-Тэмцээнд оролцсон сэтгэгдлээ хуваалцаач?

-Энд цас орж байхад онгоцонд суусан мөртлөө ногоон тивд газардсан болохоор сэтгэл хөдөлсөн. Өндөржүүлсэн хамгаалалттай хүлээж авдаг юм билээ. Бид өглөө 07.00  цагт босож бэлтгэлээ хангаад, 09.00 цагт тухайн өдрийн төлөвлөгөөний дагуу ажлаа эхэлнэ дээ. Өдөр бүр өөр өөр хөтөлбөртэй. Уулзалт, бүжгийн сургуулилт, үндэсний хувцасны шоу, авьяасын өдөрлөг, олон улсын соёлын ёслол, өнчин хүүхдүүдийн асрамжийн газарт зочлох зэргээс гадна Малайзын хотуудаар аялж, буяны үйл ажиллагаа их болдог юм билээ. Ихэвчлэн 00.00 цагт цагийн хуваарьт багтсан хөтөлбөр өндөрлөдөг байсан болохоор ядрах үе олон байсан. Гэхдээ эх орныхоо нэрийн өмнөөс титэм зүүсэн маань миний хувьд маш том бахархал. 

-Хэдэн титэмтэй наадам бэ, өрөлдөөн ихтэй байв уу?

-46 орны миссүүд зургаан титэмний төлөө өрсөлдсөн. Өрсөлдөнө гэхээсээ илүү өөрийн улс орныг сурталчилах зорилготой байсан. Гэхдээ хугацаа богинохон байсан болохоор олон зүйл цуглуулж чадаагүй. Өөрийнхөө боломжоор оньсон тоглоом болон үндэсний хэв маягийг харуулсан бэлэг дурсгалын зүйлс авч явсан. Гэхдээ би энэ тэмцээнээс маш их юм сурсан. Олон орны ёс заншил, соёлын тухай ойлголтоо гүнзгийрүүлсэн. Өөрийнхөө нэгээхэн хэсгийг нээж чадсан ч гэж хэлж болох юм. 

-Ямар авъяасаар шалгарчихав?

-Авьяас мисс шагнал авахад мэдээж манай улсын соёл, урлаг нөлөөлсөн. Хэрэв монгол бүжиг байгаагүй байсан бол би энэ шагналыг хүртэх эрхгүй байлаа. Би дөрвөн жилийн өмнө үндэсний бүжгээр хичээллэдэг байсан юм. Тэмцээнд явахаасаа өмнө Соёлын дээд сургуулийн н.Алтантуяа багшийн удирдлагад хоёр хоног бэлтгэл хийсэн. Гэхдээ яг тайзан дээр гарах гэж байтал дээлний мань бүс алга болчихсон. Сандарсандаа латин бүжгийн хувцасныхаа бүсээр бүсэлсэн шүү. Шүүгч нар нэг их анзаараагүй юм шиг байна лээ. Гэхдээ би мундаг бүжигчид намайг харвал гомдоно байх даа гэж бодож байсан.

-Олон улсын тэмцээнд оролцож байх үед чиний давуу тал юу байсан бэ?

-Жижигхэн зорилго минь давуу тал байсан юм болов уу. Үнэнийг хэлэхэд би том шагнал, титэм авна гэсэн зорилготой байгаагүй ээ. Ердөө л эх орныхоо нэрийг сурталчилж, олон улсын “үзүүлэн” болгоно гэж бодож байсан. Тэгэхээр надад ямар ч айдас байгаагүй гэсэн үг шүү дээ. Би ялах болов уу, ялж чадахгүй бол яана гээд бодоод явж байсан бол биеэ барьж, сандрах байсан гэж бодоод байгаа юм. Ер нь Монгол Улсынхаа хөгжил дэвшилд өөрийн хувь нэмрийг оруулах юмсан гэж их бодож байлаа. Тиймдээ ч эрдэнэт хүнийхээ эрүүл мэндийг хамгаалах эмчийн мэргэжил сонгосон. Хэдийгээр миний хийж байгаа зүйлс өчүүхэн жижиг боловч хүн бүр амжилт гаргаж чадах юм бол том хөрөгө болно гэж найддаг юм.

-Тэмцээний үеэр таагүй зүйл тулгарсан уу?

-Монгол бүжгийн бүс алга болсон гэж хэлсэн ш дээ. Харин дараа нь яг финалын шалгаруулалтын үеэр туфльний маань өсгий хугарчихсан. Арга буюу бэлтгэлийн үеэр өмөж байсан гутлаа углаад тайзан дээр гарсан даа. Яг тэр туфльний өсгийнд тааруулж даашинзаа сонгосон болохоор хормой нь чирэгдээд, жаахан харамсалтай л байсан.

-Ер нь мисс хүн ямар зан чанар эзэмших ёстой вэ?

-Мисс бол бүх талаараа өв тэгш байх ёстой гэдэг. Би үүнийг маш сайн ойлгодог учраас өөрийгөө бүх талаар нь хөгжүүлэхийг гол зорилгоо болгодог. Тиймээс удахгүй илүү олон давуу талыг бүрдүүлнэ гэж боддог шүү. Гэхдээ хүн л бол хүн шүү дээ. Зөв хүмүүжилтэй, найрсаг харьцаагаараа адгуусаас ялгардаг гэж боддог. Манай гэрийхэн ихэвчлэн, багш сурган хүмүүжүүлэх талын хүмүүс. Тиймдээ ч намайг өгөөмөр сэтгэл, найрсаг харьцаанд сайн сургасан байх. Ээж, эмээ хоёр маань намайг хүмүүстэй ялгаваргүй харьцахад сургасан. Харилцааны соёл бол инээмсэглэл биш, тал засах, мэхийх, бөхийх аль нь ч биш.

-Тэмцээнд оролцох эрхийг яаж авсан бэ?

-Орост амарч ирээд “Мисс Монголиа” холбоо, “Шилмэл загвар” компантай хамтран зохион багуулдаг “Мисс Монголиа-2009” тэмцээнд оролцоод дэд байрт шалгарсан. Эхний таван байрт орсон бсгүйчүүдэд олон улсын тэмцээний эрх өгдөг юм билээ. Гэхдээ тэмцээнд явахад надад урам зориг хайрлаж, ивээн тэтгэсэн гэр бүлийхэн болон Мөнхбат, Бүрнээ ах хоёртоо баярласан гэдгээ хэлмээр байна.

-Мисс гэдэг гоо сайхны илэрхийлэл гэж боддог. Та өөрийгөө тэр тодорхойлолтод хүрч чадна гэж боддог уу?

-Мэдээж гоо сайхан байх нь чухал. Гэхдээ гоо сайхны илэрхийлэл гэдэг утгаараа дотоод чанараа ч гэсэн өв тэгш байлгах хэрэгтэй. Мисс болгон ухаантай байх албагүй л дээ. Гэхдээ оюун ухаанаа хөгжүүлэхийн төлөө зүтгэж, мэдэхгүй зүйлээ мэдэхийн тулд чармайлт гаргах хэрэгтэй гэж боддог. Би ч хараахан өв тэгш болчихоогүй л байна. Гэхдээ сурч байна, бэлтгэгдэж байна гэсэн тодорхойлолтодп хүрнэ гэж бодож байгаа.

-Суралцаж айгаа мэргэжилдээ сонирхолтой хэрнээ яагаад давхар загвар өмсөх шийдвэр гаргасан бэ?

-Загвар өмсөгч Э.Сэлэнгэ бид хоёр найзууд. Намайг Оросоос ирэхэд л ийм тэмцээн болох гэж байна, оролцоод үз гэж зөвлөж байсан юм. Эхлээд ээждээ хэлтэл жаахан дурамжхан байсан л даа. Намайг сургуулиа хаяад, загвар өмсөгч болчихно гэж бодсон юм байлгүй. Сүүлдээ энэ зүгээр л сонирхол гэдгийг ойлгоод, намайг дэмжиж эхэлсэн.

Эрчүүдийн хайртай хүүхэлдэйн киноны супер бүсгүйчүүд

 “Glamour” сэтгүүл яагаад эрчүүдэд хүүхэлдэйн киноны эмэгтэй баатрууд таалагддаг талаар талаар өгүүлэхээр бэлтгэлээ. Энэ талаарх судалгаанд хамрагдсан эрчүүдийн сэтгэгдлээс харахад тэд Sharon Stone, Charlize Theron зэрэг Холливуудын халуухан бүсгүйчүүдээс илүүтэй хүүхэлдэйн киноны баатруудад сэтгэл татагддаг гэжээ. Тус сэтгүүлийнхэн судалгааны үр дүн дээр тулгуурлан сэтгэл судлаачийг урьж авчран дүгнэлт хийлгэсэн байна.

Fiona /Shrek/ 

Ц.Ганзориг: Театрат орж ирээд л энэ миний урлан гэдгийг мэдэрсэн

Дуурь бүжгийн эрдмийн театрт 15 жил тайзны зураач хийж байгаа Ц.Ганзоригийг “Далд хүмүүн” буландаа зочноор урилаа. Хар нүдний шилнээс огт салдаггүй энэ эрхэм өнгө будгийг амьдралынхаа салшгүй хэсэг хэмээн тайлбарласан. Тэрбээр урландаа зурж суухдаа хэн бүхнээс илүү аз жаргалтай байдгийг нь тодхон мэдэрсэн юм. Даруухан, дуу муутай энэ хүнийг анх харсан хүн сандруу л гэнэ. Магадгүй театрын ажил л түүнийг яаруу болгосон байх аа.

-Одоо ямар бүтээл дээр ажиллаж байна?

-“Чио Чио Сан” дуурийн эрвээхэй хатны дүрд тоглох Сарангийн гэрэл зургаар үзэсгэлэн гаргаад ирлээ. Бэлтгэл ажил их байна.

Т.Ариунаа: Биеийн галбир маань 1993 онд байсан тэр хэвэндээ орсон

Өнөөдөр » Утасны анд

Энэ сарын 16, 17-нд тоглолтоо хийх гэж байгаа дуучин Т.Ариунаатай “Гайхамшигт үдэш”-ийн талаар тодруулахаар өчигдөр 18.00 цагт холбогдов. -Сайн байна уу, тоглолтын бэлтгэл ажил хэр хангаж байна даа? -Чанартай, сайн тоглолт хийхийн тулд нэлээд бэлтгэл хэрэгтэй байдаг. Хугацаа давчуу байгаа болохоор тун завгүй гүйж явна. Уг нь СТӨ-нөөс долоо хоног бэлтгэл хийх танхим гаргаж өгөх байсан юм. Гэтэл хэлсэндээ хүрсэнгүй. Цар тахлын хорионоос болж хойшилсоор байгаад хоёрхон хоног бэлтгэх болчихоод байна. Би ямар өдөр болгон тоглодог хошин урлагийн жүжигчин биш дээ. Хоёр гурван жилд нэг удаа бие даасан тоглолт хийдэг дуучин хүн. Тэгээд ч тайзанд нэлээд мөнгө төлж, түрээсэлж байгаа.

“Сонсохыг хүсдэг хүн биш ээ, би”

Сюрралист чиглэлээр уран бүтээл туурвидаг зураач Түвшинжаргалыг Монгол Дали гэдэг. Түүний сэтгэх чадвар нь бусад зураачийнхаас тэс өөр. Тэр яг л хэн нэгний сэтгэлийн гүнд нэвтэрч, өөрийн дотоод дуу хоолойг сонсгохыг нууцхан хүсдэгтээ зураг урлаач болсон юм шиг. Багаасаа л сонсох мэдрэмжээ, хэл яриатайгаа хамт алдсан түүний бүтээлүүдээс ямархан нэг хашхираан сонсогдох нь цөөнгүй. Магадгүй түүний хэлснээр гар, нүд хоёр нь бусад мэдэрхүйг нь орлодогтоо тэр өөрийн мэдэрхүйгээ цаасан дээр ийнхүү буулгадаг байх л даа. Түүний бүтээлээс хийсвэрлэл тэмтрэгдэж, зүүдний аль эсвэл тэр ертөнцийн өнгө амтагддаг. Сальвадор Дали, Борис Валлехо нарын бүтээлийг сонирхдог тэрээр эртний Египет, Хоросын ертөнцийг өөрийн сэтгэлийн гэгээвчээр нээн таньж, хорвоогийн чимээ шуугианаас алслагдсан аниргүй ертөнцийнхөө нарийхан мэдрэмжийг цагаан цаас, бал харандаагаар бүтээчихдэг. Тэр бүтээлийнхээ дэргэд дуугүйхээн зогсож байхдаа өөрөө зурсан биш, тэдгээр зургийнхаа нэгээхэн хэсэг мэт харагддаг гээч.

УИХ-ын гишүүн Лу.Гантөмөр: Би зангиа зүүх дургүй

Инээхдээ хацар нь хонхойдог энэ хүнийг Гантөмөр гэдэг. Хэзээ ч билээ дээ МТҮП-д лекц уншах байхад нь санаандгүйхэн ороод танхим дүүрэн хүний аньсагыг чийгтүүлэх түүх ярьж байхтай нь таарсан билээ. 30 жил ээждээ очоогүй аавынхаа өмнөөс, урьд нь харж байгаагүй эмээгээ зорьж очиход нь “Хүний хүү ийм ухаантай, гэтэл миний хүү...” гэж хэлсэн эмээдээ гомдоод уйлж байсныг нь сонсоод би ч бас хамгийн арын суудал дээр мэлмэрүүлж байснаа нуух юун. Түүнээс хойш энэ хүнээс ганц удаа, богинохон ч болов ярилцлага авахыг зорьсон маань сая л нэг биелэлээ оллоо. Сонгуулийн тоосонд дарагдаагүй, улстөрчийн, нэр дэвшигчийн ярилцлагаа эрхэм уншигч танд хүргэе.

 

"Гуталчин эгч"-ийн яриа

 
Тасралтгүй 17 жил гутал зассан эмэгтэйг Сонгоомаа гэх. Өрх толгойлсон энэ эмэгтэй ажилдаа дуртай. 1992 оноос эхлээд өдийг хүртэл энэ “түц”-ндээ ээлж халаагүй “алба хашсан” тэрбээр олон ч хүнийг “гурвын ард гишгүүлэлгүй буцаасан” буянтай ажил хийдэг хүн юм.

Мөрөөдлийнхөө "онгоц"-ыг газраар жолоодсон 30 жил

  30 жил автобусны жолоо мушгиж буй энэ эрхмийг С.Мөнхбат гэдэг. Ойр дотныхон нь Мөөгий ахаа л гэнэ. Тавь гарч яваа түүнийг анх харсан хүн дөчтэй л гэж хэлэх байх. Онгоцны жолооч болох эрх нь хорхой идсэн ганц шүднээс болж “хасагдсан” ч гэлээ түүний хүсэл мөрөөдөл унтарсан нь үгүй. Салхи сөрөн “давхихдаа” нисэж байгаа юм шиг жаргалтай санагддаг гэж ярих нь үүнийг гэрчилнэ. Сүүлийн дөрвөн жил хөлөглөж яваа 98 дугаартай автобусных нь хоёр талд томоо гэгч төмөр далавч ургаад замаас хальж, тэнгэрт дүүлмээр тийм сайхан мэдрэмж гэнэ гэнэхэн сэтгэлийг нь эзэмдэхэд түүний зүрх минутад хэд цохилдог бол...

Өнгөрсөн жилийн "Universe best songs" тэмцээний ялагч Ч.Цэлмүүнийг ээжтэй нь хамт ярилцлагад урьсан юм. Play me сэтгүүлийн "Ээжийн танхил охид" буландаа урьж байна.  

Д.Ангараг: Амьдрал бол урлаг

 

 Орчин үеийн гэрэл зурагчид уран сайхны өгүүлэмж рүү хошуурах болжээ. Энэ утгаараа бүтээлээ засаж янзлах зэргээр өөрийн донж маягийг илэрхийлэх нь түгээмэл ажиглагдана. Монголын гэрэл зурагчид дундаас өөрийн гэсэн өнгө, өгүүлэмжийг илтгэж түүнийгээ олны хүртээл болгож чадсан Д.Ангарагтай  ярилцсанаа хүргэе. “Дэлхий нийтээрээ зураг засварлаж байна” гэж ярих энэ залуу  Хятадын “Алтанзул цэцгийн хараал” киноны зураг авалтад оролцсон юм билээ.

Ц.Ганзориг: Анх би энд орж ирээд л энэ миний зурах, будах, хийх, наах, урлах газар гэдгийг мэдэрсэн

Дуурь бүжгийн эрдмийн театрт 15 жил тайзны зураач хийж байгаа Ц.Ганзориг "Далд хүмүүс" буланд маань зочиллоо. Бүдэгрүүлж харахын тулд хар нүдний шилнээсээ огт салдаггүй энэ эрхэм өнгө будгийг амьдралынхаа салшгүй хэсэг хэмээн тайлбарлаж байв. Тэрбээр бяцхан урландаа зургаа зурж суухдаа хэн бүхнээс илүү аз жаргалтай байдгийг нь би түүний ярианаас тов тодхон мэдэрсэн юм. Даруухан, дуу муутай энэ хүнийг анх харсан хүн сандаруу л гэнэ. Театрын шахуу ажил энэ хүний яаруу болгосон байх аа.

А.Миеэгомбо: Монголын кино урлагийханд нэгдсэн бодлого хэрэгтэй байна

 

6000 орчим кинонд дуу оруулсан энэ хүний хоолой цэнхэр дэлгэцэд мөнхөрсөн. Түүнийг А.Миеэгомбо гэдэг. “Ийм нэгэн дурлал”, “Миний хөрш чөтгөр” кино болон саяхан дэлгэцнээ гараад байгаа “Амьдралын амт” киноны зохиол дээр ажилласан юм. “Чи мэднэ шүү дээ” гэж яриагаа эхлүүлдэг энэ хүнтэй хэд хоног утсаар холбогдсоны эцэст гар гараа барин уулзалдлаа.

Э.Сэлэнгэ: Би заавал топ болох албагүй биз дээ

БНСУ-ын Сөүл хотноо болсон “Asian Model” наадамд 2008 оны “Гоёл” наадмын шилдэг загвар өмсөгч Э.Сэлэнгэ, загвар өмсөгч Г.Мөнхдалай нар амжилттай оролцоод иржээ. “Asian Model” наадмаас “Star model” шагнал хүртсэн Э.Сэлэнгэтэй уулзаж, ярилцлаа. 

-Энэ шагналыг ямар шалгуураар өгдөг талаар эхлээд сонирхож болох уу?
-Улс болгоны моделиудын дунд шалгаруулалт явуулж,11 модельд өгсөн байгаа. Тухайн загвар өмсөгчийг өөрийн улсыг төлөөлж, гадаадын орнуудад амжилт үзүүлж чадахуйц төвшинд хүрсэн байна гэж үзвэл өгдөг шагнал юм билээ.

Топ модель Г.Уранцэцэг: Найз залуу, тэрний дараагийн найз залууг бодно гэдэг одоо утгагүй асуудал

 2008 оны топ модель Уранцэцэг. Түүний содон дүр төрх болоод харц нь тайзыг 

тэр чигээр нь өөртөө уусгачихсан юм шиг нэг л содон хөдөлгөөн түүнээс

олж хардаг. Хүмүүнлэгийн ухааны сургуулийн төгсөх курсийн оюутан
Урнаатай сургуулийнх нь буфетэнд болзсон юм. Тайзан дээр хувцас
гайхуулан алхдаг эмэгтэйг хүлээж суусан боловч энгийн л нэг эмэгтэй
өмнө минь хүрээд ирсэнийг нуух юун. Загварын гэх тодотголтой энэ том
ертөнцөд өөрийн гэсэн орон зайг эзэлж, шилдгүүдтэй мөр зэрэгцэн алхдаг
энэ бүсгүй өдгөө 23 настай. Маргааш буюу дөрөвдүгээр сарын 3-нд түүний
төрсөн өдөр.

Темон: Лекц уншина гэдэг тайзан дээрээс сургамж айлдахтай адилгүй

Өнөөдөр миний гар дээр “Super speaker” нэртэй шинэхэн ном дэлгээстэй байна. Харилцааны соёлоор хэний ч талархал сайшаалыг хүлээх хүсэлтэй хүн бүрийн шиээний ном. Үүнтэй холбогдуулан уг номын зохиолч дуучин Темон маань маргааш буюу тавдугаар сарын 26-ны 14 цагт “UB Palace”-д “Бэрхшээл бүхэнд гарц бий” нэртэй лекцээ та бүхэнд толилуулах гэж байна. Энэхүү лекц сурагчийн ширээг орхин, оюутны ширээний босгыг алхах гэж байгаа залууст зориулагдах бөгөөд үнэ төлбөргүй.

Темон: Лекц уншина гэдэг тайзан дээрээс сургамж айлдахтай адилгүй

 

    Өнөөдөр миний гар дээр "Super speaker” нэртэй шинэхэн ном дэлгээстэй байна.

Харилцааны соёлоор хэний ч талархал сайшаалыг хүлээх хүсэлтэй хүн

бүрийн шиээний ном. Үүнтэй холбогдуулан уг номын зохиолч дуучин Темон

маань маргааш буюу тавдугаар сарын 26-ны 14 цагт “UB Palace”-д

“Бэрхшээл бүхэнд гарц бий” нэртэй лекцээ та бүхэнд толилуулах гэж

байна. Энэхүү лекц сурагчийн ширээг орхин, оюутны ширээний босгыг алхах

гэж байгаа залууст зориулагдах бөгөөд үнэ төлбөргүй.

ВХ: Би өөрийгөө царайлаг гэж хэлэхгүй

/2008 оны 5 сарын 8/  

Залуу дуучин ВХ-тэй ярилцлага хийх гэж ямар удаан хөөцөлдсөнөө хэлээд ч хэрэггүй байх. Аз таарч өчигдөр ВХ Их засаг сургууль дээр ярилцлага өгөхөөр ирсэн юм. Хүзүүгээрээ улаан алчуур ороож, дэгжин малгай духдуулжээ.Ойртоод ирмэгц нь жижиг,жижиг цагаан таван хошуутай хар цүнх нь нүд булааж байлаа.

-За сайн байна уу, ВХ ээ. Хоёулаа ямар ч их хөөцөлдөв дөө. Та ер нь сэтгүүлчидтэй муур, хулгана болж тоглох дуртай юм аа даа?
-Энд, тэнд очоод долоон булчирхайгаа тоочоод явах сонирхол төрдөггүй л дээ. Жаахан хаалттай байх дуртай.

Дуучин Нара: Яагаад эмэгтэй хүн мөнгөтэй байж болдоггүй юм бэ?

-Би таныг их л хээнцэр эмэгтэй гэж боддог ш дээ. Өсгийтэй гутал, богино банзалтай, нэг л их будаг шунх болсон хүн ирнэ гэж төсөөлж байлаа?
-Хэ хэ хэ. Ихэнх хүмүүсийн төсөөлөл тиймэрхүү байдаг байх аа. Нэг л их дэрвийж сэрвийсэн эмэгтэй гээд л. Би чинь энгийн үед байгаагаараа л байдаг ш дээ. Пүүз жинс өмсч, үсээ задгай тавиад, бага зэргийн будалттай явж болно биз дээ.

Люмино хамтлагийн ахлагч Тэмүжин: Гэр бүлийн амьдрал таалагдаж байгаа

Монголын хип хоп урлагийн анхдагч "Люмино" хамтлаг энэ жил 10 нас хүрнэ. Хамтлагийн ахлагч МС буюу Тэмүжинтэй уулзаж ярилцлаа. Саяхан л хэн нэгнийг хайрлахыг хүсч байгаа тухайгаа ярьж байсан бол тэр одоо гэр бүл зохиож, хоёр ч хүүхдийн аав болжээ. Түүний амьдралын хэв маягт асар том өөрчлөлт гарсан хэдий ч уран бүтээлээ орхихгүй гэдгээ сонсогчиддоо хэлэхийг хүссэн юм.

Топ модель Г.Уранцэцэг: Найз залуу, тэрний дараагийн найз залууг бодно гэдэг одоо утгагүй асуудал

2008 оны топ модель Уранцэцэг. Түүний содон дүр төрх болоод харц нь тайзыг тэр чигээр нь өөртөө уусгачихсан юм шиг нэг л содон хөдөлгөөн түүнээс олж хардаг. Хүмүүнлэгийн ухааны сургуулийн төгсөх курсийн оюутан Урнаатай сургуулийнх нь буфетэнд болзсон юм. Тайзан дээр хувцас гайхуулан алхдаг эмэгтэйг хүлээж суусан боловч энгийн л нэг эмэгтэй өмнө минь хүрээд ирсэнийг нуух юун. Загварын гэх тодотголтой энэ том ертөнцөд өөрийн гэсэн орон зайг эзэлж, шилдгүүдтэй мөр зэрэгцэн алхдаг энэ бүсгүй өдгөө 23 настай. Маргааш буюу дөрөвдүгээр сарын 3-нд түүний төрсөн өдөр.

Н.Сүндэриа: Төөрч будилахгүйн тулд зохиосон хөгжмийн урсгалууд нь төөрмөөр олон болчихсон

Гараараа дүүрэн бөгж зүүдэг хүмүүс хэтэрхий нүсэр харагддаг. Гэхдээ түүний зүүсэн бөгжнүүд яагаад ч юм нэг л өөр. Гоёмсог гэхээсээ илүү дулаахан мэдрэмжийг төрүүлж байсан юм. Магадгүй надтай ярилцаж байсан хүмүүсээс хамгийн тод нь Сүндэриа байх аа.
Ямар ч хүлээсэнд баригдалгүйгээр өөрийнхөө санаа бодлыг хурц илэрхийлж чаддаг хэрнээ бусдын үгийг үгүйсгэж, өөрийнхөөрөө зөрүүдэлэхгүй нь сонин. Бусдын хувьд гаж ч гэмээр сэтгэхүй нь түүнийг улам чимдэг юм шиг санагдсан шүү. Тэр байгалийн хүч болоод, оюун санааны довтолгооныг юу юунаас ч илүү эрхэмлэдэг гэдгээ хэлж байсан юм. Хөгжмийн ертөнцөд маань өнгө хөг нэмэхээр уран бүтээлийн довтолгооноо эхлээд буй дуучин Сүндэриа. Түүний клипнээс утсан хүүхэлдэйн амьдралыг үзэж болно. Шинэхэн ертөнцөд тавтай морил...

Quiza: Би өөрт оногдсон ачааг үүрэх хүчтэй болтлоо хүлээдэг хүн биш

Хип хоп бол түүний бухимдалыг тайлах зэвсэг. Сүүлийн үед хотын соёлыг түгээнэ гээд“I love new UB” клуб байгуулж залуусыг хошууруулж байгаа нь надад ч бас таалагдаад байгаа. Quiza тамхиныхаа ишийг хогийн саванд хийдэг нь иргэний үүргээ хэрхэн биелүүлдэгийг илтгэх мэт. Намайг ярилцлага авахаар очих үед циркийн хажууд дуулгавартай нь аргагүй зогсоод зураг авхуулж байсан юм. Харин дараа нь Сүхбаатарын талбай. Эцэст нь зураг авалт дуусч Irish-ын тагтан дээр бидний ярилцлага эхэллээ. Урьд нь Quiza хаана ч хувийн амьдралынхаа тухай ингэж дэлгэрэнгүй ярьж байгаагүйг энд хэлэхэд илүүц биз. Quiza-гийн улаан фэнүүд мэдэх ёстой зүйлсийг энэ ярилцдагад шингээсэн учраас нэг газар эвээ олж суугаад, Quiza-гийн тухай сонирхоорой.

Mеtro music сэтгүүлд нийтлэгдсэн ярилцлагаа бүрэн эхээр нь орууллаа... 

Anton Mosimann: Хайсан хүнсний бүтээгдэхүүнээ Монголоос олж авчихаад их гайхсан шүү

2008 оны ажил "LifeStyle" сэтгүүлд ажиллаж байхдаа хийжээ.

         Дэлхийн шилдэг тогооч Монголд айлчлаад буцлаа. Тэр зүгээр ч нэг шилдэг тогооч биш, дэлхийд нэг дүгээрт бичигддэг хамгийн сайн гэх тодотголыг зүй ёсоор хүртэх эрхтэй алдарт тогооч. 50 жил тогоочын үүрэг гүйцэтгэж, амтат хоолоороо алдаршсан хүнийг хатан хааны одонгоор шагнадаг. Харин Anton Mosimann Obe хоёр ч одонтой. Анхныхаа одонг 28 настайдаа хүртсэн гээд бодохоор түүний чадварыг маш өндөрөөр үнэлжээ. Харин гадаад үзэмжийг нь тогтож ажиглавал тас хар өнгийн гялалзсан гутал, өмднийх нь цаанаас час улаан оймс цухуйж байлаа. Харин туслах тогооч нартаа үүрэг огч, гараагаа даллаж, зангаж байгаа нь яг л усан онгоцны ахмадыг санагдуулам. 60 хоногын хугацаатайгаар авто аялал хийж байгаа тэрээр Монголд ирээд тав хонож байхад нь бид уулсан юм. Машин нь эвдэрсэн учир сэлбэгээ захиалчихаад хүлээж байгаа гэнэ. Түүнтэй цөөн хором хөөрөлдсөнөө эрхэм уншигч танд хүргэе.

“Алтан ураг”: Хуриманд оччихоод сүйт бүсгүйд нь зориулж аймаар рок тоглоод байж болохгүй биз дээ

“Эрт цагт Алтан Ургийн хаад морин дэл дээр, сэлэм далайсаар дэлхийд нэрээ дуурсгасан түүхтэй. Хорин нэгдүгээр зууны “Алтан ураг” хөгжимийн зэмсэг болоод хэзээ ч үл тасрах Монгол аялгуугаар хүмүүний сэтгэл зүрхний нарийн утсыг хөндөх болно” хэмээн ярьцгаах хөгжимчидийн нүдэнд оч бадарч, сэтгэл зүрхэнд нь талын яруу аялгуу эгшиглэж байх шиг санагдсан. Магадгүй индэр мөнгөн хуурын эгшигэнд хатгуулчихсан сэтгэлд минь Монгол нутгийн салхи исгэрээ юм болов уу...

Б.Мөнгөлдэй: Би өөрөө их том ертөнц

Зураач С.Саранцацралтын охидын стилл имиж, амьдралыг үзэх үзэл хийгээд ирээдүйн тухай яриа нь олон хүмүүсийн сонирхлыг татдаг. Зураач аав, ээжтэй, дуучин эгчтэй, дизайнер Б.Мөнгөлдэйг ярилцлагынхаа буланд урилаа. Түүнийг мэдэх олон хүмүүс өөр өөрсдийнхөө төсөөллөөр хүлээж авдаг байх. Харин өнөөдөр бас нэгэн өөр нүдээр түүнийг харсан юм. Урьд нь ярилцаж байснаас тэр өөр өнгөөр тэр бид хоёр ярилцлаа.

Ч.Содтуяа: Японоос 68 орны орны онцлогийг харуулсан бэлэгтэй ирж байлаа

X6“Чимбаа” агентлагийн тэргүүн, “NTV” телевизийн хөтлөгч редактор, мисс Ч.Содтуяатай түүнд хамгийн сонирхолтой санагдсан аяллынх нь талаар ярилцлаа.

Н.Гаравсүрэн: Би өөрөөрөө бахархдаг

Энэ жилийн “Гоёл” наадмаас шилдэг загвар өмсөгчийн шагнал хүртсэн загвар өмсөгч Н.Гаравсүрэнтэй ярилцлаа. Тэрээр өнгөрсөн хавар их сургуулиа төгссөн бөгөөд нэгэн банкинд хуулийн хэлтсийн бичиг хэрэг эрхэлсэн ажилтнаар ажилладаг юм байна. 

Дуучин Б.Хонгор: Би өөрийгөө дуучин гэж боддоггүй

 Хонгортой ярилцахад маш хялбархан. Яг л жаахан хүүхэд шиг нэг амьсгаагаар бүх зүйлээ ярьчихад бэлэн байдаг. Магадгүй түүнд бусдаас нуугаад байхаар зүйл олон байдаггүй болохоор ийнхүү чөлөөтэй ярьчихдаг байх. Уран бүтээлийнхээ гарааг 2004 оноос эхэлсэн тэрээр бие даан гаргасан хоёр цомогтой. Хуучны дуунуудыг дуулдаг түүвэрлэн дуулдаг байсан Хонгор шинэ уран бүтээлүүддээ өөрийн өнгө аясыг тусгаж, залуусын сонирхолд нийцсэн бүтээл хийхийг хүсчээ. Тэр дуулах үнэхээр дуртай. Дуу дуулж байх үед хамгийн аз жаргалтай байдаг гэсэн. Түүнтэй ямар ч сэдэвт баригдалгүйгээр элдэв зүйлийг хүүрнэлээ.

-Чиний сонсогчид голдуу нас тогтсон хүмүүс байдаг. Тэд одоогийн залуучууд гэж толгой сэгсрээд байгаа хэрнээ чамайг ингэтлээ өхөөрдөөд байдгийн нууц нь юу вэ?

“Донор”: Тайз биднийг хүлээж л байг

Товч танилцуулга
Ганболд буюу Арагорн - дуучин, хамтлагийн ахлагч

Ганбуш: Ээж, аав нь хүүхдийнхээ бичсэн мессежийг уншдаг ч болоосой. Ухаан алдаж унана даа

Quiza: Би мөнгөний төлөө дуулдаг

Quiza-тай анх уулзахад тэр дөнгөж л монголд ирчихээд, анхны уран бүтээлүүдээ уншигчдад хүргэж эхэлж байсан..

Дуучин Б.Мишээл: Хүнд бурханлаг шинж давамгайлдаг гэдэгт би итгэдэг

-Хүн бүхэн бурханлаг гэгээн, чөтгөр шиг ааш араншинг өөртөө агуулж байдаг. Чухам аль нь ноёлж болохыг тухайн хүн өөрөө л шийднэ шүү дээ-  

Этгээд араншин, өвөрмөц хувцаслалт, тэр ч бүү хэл амьдралын хэв маягийнх нь талаар олон хүн дүгнэж, тодорхойлохыг хичээдгийг ч тэр хайхардаггүй. Хэн нэгэн түүний талаар ярьж, муугаар хэлсэн ч түүний амьдрал өрнөдгөөрөө өрнөж, үргэлжилдэгээрээ л үргэлжилнэ гэдэгт тэр итгэдэг.

Байгаа байдал нь л бусдын сонирхлыг татчихаж дөнгөдөг түүний хүүхдэрхүү байдлыг анзаарсан бол магадгүй түүнийг могойтой зүйрлэх ч юм билүү. Түүний “Би могой байсан юм” хэмээх дууг сонсохдоо “Мишээл чинь могой юм байна ш дээ” гэсэн тэнэгдүүхээн бодол тархинд харван орж ирсэн юм. Өнгөрсөн өвөл түүнтэй уулзахаар цаг болзоод хүлээж зогсохдоо хажуугаар өнгөрсөн ягаан нэхий малгайтай охиныг анзаараагүйгээ нуух юун. Тэр өдөр нүүрэндээ ганц ч будаг хүргээгүй болов уу гэмээр арьс нь толийж, телевизээр гарахдаа өмсдөг өнөө л хар өмсгөл, гялтгар гоёлоо зүүгээгүй байсан юм. Магадгүй энэ дүр зураг таны төсөөлснөөс ч онцгой харагдаж байсан байх. Түүнийг зураач С.Саранцацралтын том охин гэдгээр нь мэдэх хүн олон. Би түүнээс хамгийн түрүүнд асуух асуултаа аль хэдийн олчихсон байлаа. Энэ бол гэр бүлийн тухай үзэл бодол...

"Булсара" азийн хамтлагуудтай өрсөлдөхөөр боллоо

Монгол шилтгээн. "Coke'n beat" амьд хөгжмийн наадам... "Би дүлий болсон ч энэ хөгжмийг мартаж чадахгүй" хэмээн ам уралдан хэлдэг хүмүүс энэ үдшийн эрхэм зочид байлаа. "Монгол шилтгээн" цогцолборт өнгөрсөн бямба гаригт болсон амьд хөгжмийн наадамд 31 хамтлаг оролцохоор бүртгүүлсэн хэдий ч эхний шалгаруулалтад 25 хамтлаг тэнцэж, Японд болох "Asian beat" Азийн рок, альтернатив хөгжмийн фестифальд Монгол Улсаа төлөөлөн оролцох эрхийн төлөө өрсөлдлөв.

Дизайнер Н.Соёлмаа: Би сая доллартай болмоор байна

 Uptown сэтгүүлийн анхны дугаарт нийтлэгдсэн ярилцлага байна...

2007 он

Түүнтэй ярилцахад үнэхээрийн түвэгтэй юм. Лав л миний ярилцлага хийж байсан бусад хүмүүсээс бараг хамгийн түвэгтэй нь. Магадгүй бас хамгийн сонирхолтой нь.
Тэр хэд гуравхан үг хэлээд л босоод явчих юм. Одоо болоо, гүйцээ. Би ажилтай байна. Үгүй ээ, чи чинь яасан хүний үг ойлгодоггүй юм бэ? Завгүй гээд байхад чинь хүн шалгаагаад зогсох  юм... гэсээр буцаад хүрч ирнэ. Ингэж хэлэх тусам нь цаашаа ярилцах хүсэл улам төрж явмааргүй санагдахыг яана.  Угаасаа л түүний араншин гэдэгтэй эвлэрэхээс өөр аргагүй. Харин ч бүр яг өөрийнхөөрөө байдаг түүнд алга ташмаар санагдсан. Сайн таньж мэдэхгүй хүмүүс “муухай ааштай” гэж эндүүрмээр түүний хэтэрхий шулуун байдал, үг үйлдэл нь бусдын сонирхлыг бүр ч ихээр татдаг бололтой.  Хувцас хунартай хориод жил ноцолдсон гэж өөрийгөө тодорхойлох түүнийг мэдээж дизайнер Соёлмаа гэдэг. аптаун сэтгүүлийн анхны дугаарт зориулан хийж байсан ярилцлага маань энэ байна даа...

Яруу найрагч Д.Энхболдбаатар: Сингапур л таалагдсан юм даа

 "Uptown" сэтгүүл, "Abroad" булан

-Танд хамгийн таатай сэтгэгдэл төрүүлсэн улс орон?
-Хамгийн анх зургадугаар ангийн жаахан хүү Орост очиж байлаа. Одоо бодоход явж байсан газруудаас минь хамгийн гоё газар Москва хот байсан юм шиг санагддаг юм. Тэр үедээ л гоё гээд сэтгэлд хоногшчихсон болохоор ч тэр үү бүү мэд. Миний тэр үеийн төсөөлөл шиг сайхан орон биш ч юм бил үү. Гэхдээ хамгийн сүүлд Сингапур явсан юм чинь тэр талаараа ярья.

ВХ: Би өөрийгөө царайлаг гэж хэлэхгүй

 Залуу дуучин ВХ-тэй ярилцлага хийх гэж ямар удаан хөөцөлдсөнөө хэлээд ч

хэрэггүй байх. Аз таарч өчигдөр ВХ Их засаг сургууль дээр ярилцлага
өгөхөөр ирсэн юм. Хүзүүгээрээ улаан алчуур ороож, дэгжин малгай
духдуулжээ.

Ойртоод ирмэгц нь жижиг, жижиг цагаан таван хошуутай хар цүнх нь нүд булааж байлаа. 

-За сайн байна уу, ВХ ээ. Хоёулаа ямар ч их хөөцөлдөв дөө. Та ер нь сэтгүүлчидтэй муур, хулгана болж тоглох дуртай юм аа даа?

-Энд, тэнд очоод долоон булчирхайгаа тоочоод явах сонирхол төрдөггүй л дээ. Жаахан хаалттай байх дуртай.